انا هحكي قصة حقيقة حصلت معايا ... عندنا شقة في البيت بتاعنا الي ساكنين فيه فضيت وعاوزين نأجرها .. المهم بعتنا لسماسرة علشان يجيبوا مستأجرين .. جاه لنا ضابط في الجيش المصري ( عسكري ) على وش جواز .. المهم انه عجبته الشقة وحط شروط على الإيجار انو يتخفض ماما سابت نسبة علشان عريس جديد وكدا ... تاني واحدة جات علشان تأجر الشقة كانت سيدة بيقولوا عليها من السيدات الليبراليه ( كما وصفوها لي ) مش سياسية ولكن حياتها عادية يعني ... محضرتش الحوار لكن تقريباً شرط تخفيض للإيجار زي الأول ولكن اقل شوية .. الثالث والي قابلته وانا طالع على السلم وكان راجل ملتحي وامرأة منقبة تقدر تقول من الي بيتقال عليهم اليومين دول ( سلفيين ) مع اننا عارفين من زمان من غير اللقب دا ماعلينا والمهم روحت طالع سألت ماما الراجل وافق على الشقة قالت اه ومن غير تخفيض في الإيجار ... قولتها عاوزينها " مدنية " ...
طيب دلوقتي المفروض نعمل ايه .. نقدم تنازلات ونديها للعسكري ... ولا مفيش اي تنازلات وتكون اسلامية ...ولا نتنازل عن شوية مبادئ وتكون ليبراليه ... انا قولت عاوزها مدنية
الشقة دي فكرتني بمصر .. المجلس العسكري عاوز ياخدها ومع تقديم تنازلات من الشعب .. والإسلاميين عاوزنها من غير اي تنازلات .. يبقى نختار مين ؟!
ليست هناك تعليقات:
إرسال تعليق